Андрей Аршавин беҳтарин бозингари Қазоқистон эълон шуд
ДУШАНБЕ, 4.01.2016 /АМИТ «Ховар»/. Собиқ ҳамлагари дастаи мунтахаби Россия Андрей Аршавин, ки ҳунарнамоиашро дар ҳайати КФ «Кайрат»-и Алмаато идома медиҳад, беҳтарин футболбози Қазоқистон дар мавсими соли 2016 эълон шуд. Дар ин бора нашрияи «Pro Sports» хабар медиҳад.
«Андрей Аршавин бо ҳунарнамоиаш ба мухлисону мутахассисон писанд омад ва аз ин рӯ дар муайян кардани беҳтарин бозингари чемпионати Қазоқистон баҳсе ба вуҷуд наомад», -овардааст «Pro Sports».
Дар ҳайати дастаи «Кайрат» Андрей Аршавини 35-сола 37 бозӣ гузаронида, 11 маротиба ба задани гол муваффақ шудааст. Яке аз тӯбҳои дар моҳи декабр задааш беҳтарин голи мавсими соли 2016 дар Қазоқистон эътироф шуд.
Андрей Аршавин пештар дар дастаҳои «Зенит»-и Санкт Петербург, «Арсенал»-и Англия ва «Кубан»-и Краснодар бозӣ кардааст.
Дар ҳайати дастаи мунтахаби Россия аз соли 2002 то 2012 дар 75 бозӣ ширкат карда, ба дарвозаи ҳарифон 17 тӯб задааст.
Пагоҳ дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
