Бозиҳо барои ҷоми Валентин Гранаткин идома доранд

ДУШАНБЕ, 16.01.2017. /АМИТ «Ховар»/. Дастаи мунтахаби ҷавонони Тоҷикистон дар доираи бозиҳои байналмилалӣ  барои хотира ва ҷоизаи Валентин Гранаткин барои ҷойҳои аз 9 то 12 аз дастаи мунтахаби Белорус бо натиҷаи 6:7 (пеналтии баъдибозӣ) мағлуб шуд. Даста барои ҷойҳои аз 12 то 16-ум бо дастаи мунтахаби Литва имрӯз вориди майдон мешавад.

Вақти асосии бозӣ бо дастаи мунтахаби Беларус бе кушодани ҳисоб ба анҷом расид. Тибқи низомнома ғолибро бо таъйини силсилаи зарбаҳои 11-метраи баъдибозӣ муайян карданд.

Натиҷаи зарбаҳо чунин аст:
Фузайлов (1:0), Хлебосолов (1:0, хато), Сафаров М. (2:0), Ҷугир (2:1), Шарифов (2:1, дарвозабон), Шевченко (2:2), Бобоев  (3:2), Малкевич (3:3), Эҳсони Панҷшанбе (4:3), Волков (4:4), Азимов (5:4), Старостин (5:5), Ханонов (6:5), Садовский (6:6), Сафаров О. (6:6, дарвозабон), Бетеня (6:7)

Мубориза барои ҷоиза ҳамоно идома дорад. Дар бозиҳои ¼ -ниҳоӣ Юнон бар Латвия 8:7 (зарбаҳои пеналтӣ) ва Россия бар Булғория 3:0 ғалаба карданд.

Барои мақомҳои аз 9 то 12 Озарбойҷон бар Эрон бо ҳисоби 1:0 ва Молдова бар Литва бо натиҷаи 4:3 (Пеналтӣ) пирӯзӣ ба даст оварданд.

Бозиҳо  21 январ ҷамъбаст мешаванд.