Дар 28 маҳаллаи ҷамоати шаҳраки Сомониёни ноҳияи Рӯдакӣ баландгӯякҳои радиои Тоҷикистон насб гардиданд

РӮДАКӢ, 24.01.2017. /АМИТ «Ховар»/. Дар 28 маҳаллаи ҷамоати шаҳраки Сомониёни ноҳияи Рӯдакӣ баландгӯякҳои радиои Тоҷикистон насб карда шудаанд. Ба воситаи ин баландгӯякҳо сокинони ҷамоати мазкур Паёми навбатии Асосгузори сулҳу ваҳдати миллӣ — Пешвои миллат муҳтарам Эмомалӣ Раҳмонро шуниданд. Насби чунин баландгӯякҳо имкон медиҳад, ки сокинон ҳамеша аз ҳаёти сиёсию иқтисодӣ ва иҷтимоию фарҳангии ҷумҳурӣ бохабар бошанд.
Дар ин бора муовини раиси ҷамоати шаҳраки Сомониён Муслима Саидмуродова ба хабарнигори АМИТ «Ховар» иттилоъ дод.
«Мо нуктаҳои асосии Паёми навбатиро дар фаъолияти худ истифода бурда, тасмим гирифтаем, ки дар рӯзҳои наздик тавассути ҳашарҳои умумии сокинон маркази ноҳияро тоза намуда, дар ду тарафи роҳи маркази ноҳия гулҳои гуногуннавъ шинонем»,- иброз дошт Муслима Саидмуродова.