«Истиқлол» бозии нахустини санҷишиашро дар Туркия доир намуд
ДУШАНБЕ, 20.01.2017/АМИТ «Ховар»/. Чемпиони Тоҷикистон «Истиқлол»-и Душанбе, ки омодагиро ба мавсими нав дар Туркия идома медиҳад, дирӯз аввалин бозии санҷишии худро бо дастаи «Интер»-и Озорбойҷон гузаронид. Тавре сомонаи расмии «Истиқлол» хабар медиҳад, ин бозӣ бо натиҷаи 2:1 ба нафъи футболбозони дастаи «Интер» ба охир расид.
Дар нимаи аввали вохӯрӣ дастаҳо ба кушодани ҳисоб муваффақ нашуданд. Капитани истиқлолиҳо Фатҳулло Фатҳуллоев дар дақиқаи 52-юм аз паси хуби Манучеҳр Ҷалилов ҳисобро боз кард. Баъди 4 дақиқа Мирҳусейн Саидов натиҷаро баробар кард ва Озод Пардис дар дақиқаи 77 голи охиринро дар бозӣ зада, бо натиҷаи 2:1 «Интер»-ро ба сафи пеш баровард.
«Истиқлол» вохӯрии дуюмашро дар Туркия 23 юми январ бо КФ «Кайсар»-и Қазоқистон мегузаронад.
Бозии санҷишӣ
«Истиқлол» (Душанбе, Тоҷикистон) — «Интер» (Боку, Озорбойҷон) 1:2
Муаллифи голҳо: Фатҳулло Фатҳуллоев, 52 (1:0), Мирҳусейн Саидов, 56 (1:1), Озод Пардис , 77 (1:2).
Ҳайати «Истиқлол» дар ин бозӣ:
Никола Стошич, Дилшод Восиев, Соҳиб Саванқулов, Дэвид Мавутор (Сиёвуш Асроров, 78), Аҳтам Назаров, Фатҳулло Фатҳуллоев (Табрези Давлатмир, 75), Фаридун Шарифов, Ромиш Ҷалилов, Амирбек Ҷӯрабоев, Манучеҳр Ҷалилов, Дмитрий Барков.
Огоҳӣ гирифтанд: Дилшод Восиев («Истиқлол»), Адриан Скарлатаке («Интер»).
Довари майдон: Владимир Акодис (Украина).








Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод






