КҲФ: хавфи фаромадани тарма боқӣ мемонад!
ДУШАНБЕ, 29.01.2017. /АМИТ «Ховар»/. 28 январи соли 2017 дар натиҷаи фаромадани 40 тарма ва бориши шадиди барф роҳи мошингарди Душанбе-Хуҷанд дар қисмати аз километри 51 то 71-ум баста шуда, беш аз 100 мошин дар муҳосира монданд.
Аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба АМИТ «Ховар» хабар доданд, ки барои ташкили корҳо ҷиҳати муваққатан аз ҷойҳои хавфнок ба ҷойҳои осуда кӯчонидани одамон бо роҳбарии муовини раиси Кумитаи ҳолатҳои фавқулода ва мудофиаи гражданӣ М. Салимзода гурӯҳи корӣ таъсис дода шуд. Дар натиҷаи корҳои анҷомшуда аз шаби 28 то 29 январ 500 нафар одамон, 30 адад мошинҳои боркаш ва 60 адад мошинҳои сабукрав ба ҷойҳои бехавф кӯчонида шуданд. Як нафар бедарак шудааст.
Инчунин барои тоза намудани роҳи мошингард ва барқарор намудани оқибатҳои ҳолати рухдода хадамоти роҳи ширкати «Innovative Road Solutions» (IRS) аз ду тарафи роҳ 6 адад техника сафарбар намудааст.
Дар ҷойҳое, ки тарма фаромадааст, барои таъмини амнияти аҳолӣ аз ҳисоби кормандони БДА ва хадамоти роҳи IRS дидбонгоҳ гузошта шудааст.
Аз ҷониби мақомоти иҷроияи ҳокимияти маҳаллии ноҳияи Варзоб аҳолии зарардида бо маводи хӯрокӣ ва хизматрасонии тиббӣ таъмин карда шуданд.
Инчунин 28 январ дар километри 91-уми роҳи мошингарди Ваҳдат-Рашт-Ҷиргатол, дар мавзеи Кабудҷари ҷамоати Ҳакимии ноҳияи Нуробод тарма фаромад. Барои тоза намудани роҳ ду техника сафарбар шудааст. Қурбонӣ нест.
Вазъи роҳи мошингарди Душанбе-Хоруғ-Мурғоб, ки аз сабаби тармафароӣ дар ҳудуди ноҳияҳои Рӯшон ва Шуғнони ВМКБ баста аст, муташанниҷ боқӣ мемонад. Ситоди барқарорсозии ҳолати фавқулода таъсис дода шудааст, ки шабонарӯзӣ фаъолият дорад.
Дар робита ба ин, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз аҳолии кишвар даъват мекунад, ки аз сафарҳои дурудароз ва рафтан ба мавзеъҳои тармафаро худдорӣ намоянд.
Қаблан Кумита иттилоъ дода буд, ки бо назардошти гармшавии ҳаво ва боришоти зиёд тайи чанд рӯзи охир эҳтимолияти фаромадани тарма дар ноҳияҳои ВМКБ, дар доманакӯҳҳои Ҳисор, инчунин дар шоҳроҳҳои Душанбе-Хоруғ, Душанбе-Хуҷанд, Душанбе-Ҷиргатол, Хоруғ-Мурғоб ва Хоруғ-Ишкошим боқӣ мемонад.
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
Имрӯз дар Тоҷикистон ҳавои камабри бебориш пешгӯӣ мешавад
Дар Миср бахшида ба Рӯзи Парчами давлатии Ҷумҳурии Тоҷикистон ҳамоиш баргузор шуд
Дар Донишгоҳи давлатии Кӯлоб Рӯзи Парчами давлатиро ҷашн гирифтанд
Имрӯз дар шаҳри Душанбе чангу ғубор ба амал меояд
ШУКУҲИ ПАРЧАМИ ДАВЛАТӢ. Дар Донишгоҳи байналмилалии сайёҳӣ ва соҳибкории Тоҷикистон ҳамоиши идона доир шуд
Парчами давлатӣ симои Тоҷикистонро чун давлати соҳибистиқлолу соҳибтамаддун дар ҷаҳон муаррифӣ менамояд
