Муомилоти ғайриқонунии металлҳои қиматбаҳо

ДУШАНБЕ, 24.01.2017. /АМИТ «Ховар»/. Аз ҷониби кормандони милитсия ду нафар марди 39 ва 43-солаи сокинони шаҳри Кӯлоб бо гумони муомилоти ғайриқонунӣ бо металл ва ё сангҳои қиматбаҳо дастгир шуданд.
Тавре аз Вазорати корҳои дохилии Ҷумҳурии Тоҷикистон хабар доданд, гумонбаршудагон хонаи истиқоматиро дар шаҳри Кӯлоб ба иҷора гирифта, ба дӯкони заргарӣ табдил додаанд. Дар вақти кофтукови манзили истиқоматии мазкур тибқи ташхиси иёргирӣ 234,71 грамм метали тилло дарёфт ва мусодира карда шуд.
Аз рӯи далели мазкур парвандаи ҷиноятӣ оғоз гардида, тафтишот идома дорад.