Неъматулло Ҳикматуллозода: «Дар иқтисодиёт бе илм пеш рафтан душвор аст»
ДУШАНБЕ, 31.01.2017 /АМИТ «Ховар»/. Дар соҳаи иқтисодиёт бе илм пеш рафтан бисёр душвор аст, зеро бояд таҳлилҳои гуногун баргузор карда шаванд ва тамоми самтҳои ҷомеа зери таҳлили мунтазам қарор дода шаванд. Дар ин бора Неъматулло Ҳикматуллозода, Вазири рушди иқтисод ва савдои Ҷумҳурии Тоҷикистон имрӯз дар нишасти матбуотӣ ба хабарнигорон иттилоъ дод.
Вазири рушди иқтисод ва савдо инчунин баён дошт, ки барои пешбурди фаъолияти Вазорат ва пешниҳоду таҳияи қарорҳои дахлдори сиёсӣ ҳамкорӣ бо илм дар навбати аввал мебошад ва мо ин ҳамкориро аллакай ба роҳ мондаем.
«Қаблан дар назди Вазорати рушди иқтисод ва савдои Ҷумҳурии Тоҷикистон институти иқтисодӣ буд. Ҳоло чунин институт нест, вале имрӯз мо бо институти иқтисодие, ки дар сохтори Академияи илмҳои Ҷумҳурии Тоҷикистон амал мекунад, робитаи қавӣ дорем. Таҳияи «Стратегияи рушди миллӣ барои давраи то соли 2030»- ро метавон шаҳодати ҳамкории мо номид. Мо бо иштироки бевоситаи олимони барҷастаи ватанӣ дар ин соҳа ин ҳуҷҷатро таҳия намудем»,-гуфт Н. Ҳикматуллозода.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
