Тарҳи нави бозии шоҳмот пешниҳод шуд
ДУШАНБЕ, 17.01.2017/АМИТ «Ховар»/. Александр Кочергин аз Қазоқистон тарҳи нави бозии шоҳмотро ихтироъ карда, масоҳати тахта ва шумораи мӯҳраҳои онро зиёд кард. Дар бозӣ шоҳ ва малика ширкат менамоянд. Дар ин бора «Интерфакс» хабар медиҳад.
«Ба ҷои 64 хоначаи пешина шоҳмотбозони Қазоқистон ақлронии худро дар 100 хонача тамрин медиҳанд. Шумораи мӯҳраҳо низ аз 32 ба 40 адад расонида шудааст. Александр Кочергин ин навгониро ба номи худ сабт (патент) кардааст» -хабар доданд аз акимати (ҳокимияти) вилояти Қазоқистони шарқӣ.
Аз рӯи баёнияи ихтироъкор бозии анъанавии шоҳмот дар ҷаҳони муосир ба ноилоҷиву сарбастагӣ рӯ ба рӯ шудааст. «Компютер дар бозии шоҳмот аз шоҳмотбозони беҳтарин пеш гузаштааст ва ҳаракатҳо аз ҳама ҷониб омӯхта ва аз худ карда шудаанд», — гуфтааст Александр Кочергин.
Аз рӯи баёни ӯ, алҳол бозии компютерии шоҳмот бо 100 мӯҳра сохта нашудааст. Александр афзудааст, ки дар компютер бозии нав вуҷуд надорад, стратегия ва тактикаи он то ҳол эҷод нашудааст.
Дар бозии нави шоҳмот шоҳ ва малика ба марг гирифтор намешаванд, балки онҳо ҳукмрониро идома медиҳанд. Чӣ тавр, инро баъди дар амал ҷорӣ шудани ин бозӣ хоҳем дид.








Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод






