Аз он сӯи футбол. Месси барои худ оромӣ харид

ДУШАНБЕ, 10.02.2017/АМИТ «Ховар»/. Яке аз ҳуҷумкунандагони беҳтарини дунё ва клуби футболи «Барселона» Леонел Месси, ки оромиву хомӯширо дӯст медорад, барои аз ҳамсояҳои сермағали худ халос шудан хонаи онҳоро харидорӣ кард. Дар ин бора ҳамдастаи ӯ Иван Ракитич дар «Bleacher Report» хабар медииҳад. «Вақте ки Месси дар наздикии шаҳри Барселона- Кастелдефелсе хона харид, ба ҳамсояҳои сермағал гирифтор шуд. Дар натиҷа барои аз онҳо халос шудан ӯ хонаи онҳоро харид, то ором зиндагӣ кунад»,-гуфтааст Ракитич.
Дар бораи арзиши хона маълумот нарасидааст.
20 январ хабаре интишор шуд, ки Мессии 29-сола футболбози маошаш аз ҳама баландтаринро дар ҷаҳон ба худ моил хоҳад кард. Дар ин бора роҳбарияти КФ «Барселона» шартномаи нави худро бо Месси то давраи анҷом додани карйераи футболбозиаш омода кардааст ва падари Месси алакай ба Барселона барои бастани шартнома ҳозир шудааст.
Айни замон Месси дар як ҳафта 316 ҳазор евро (338,5 ҳазор доллар) маош мегирад ва маоши баландтарин ба ҳамватани ӯ Карлос Тевес тааллуқ дорад ( 615 ҳазор фунт стерлинг=763,3 ҳазор доллар дар як ҳафта).