Бонки «Эсхата» барои кормандони соҳаи маориф ва тандурустӣ хизматрасонии нави «Маърифат ва мадад»-ро пешниҳод менамояд
ДУШАНБЕ, 09.02.2017 /АМИТ «Ховар»/. Бори нахуст барои кормандони соҳаи маориф ва тандурустӣ Бонки «Эсхата» хизматрасонии нави «Маърифат ва мадад»-ро пешниҳод мекунад.
Дар ин бора ба АМИТ «Ховар» аз бонки мазкур хабар дода, зикр намуданд, ки ин иқдом барои қонеъ намудани талаботи гуногуни истеъмолии хизматчиёни давлатӣ, яъне табибон, омӯзгорон ва дигар кормандони соҳаи маориф ва тандурустӣ пешбинӣ шудааст.
Қарз дар асоси боварӣ бе гарав ва бе зомин дода мешавад. Аризаи мизоҷ аз тарафи бонк давоми як рӯз дида баромада шуда, аз рӯи пайдо шудани зарурат эҳтимолияти давраи имтиёзӣ то се моҳ пешниҳод мегардад. Ҳамаи ин бартарии асосии хизматрасонии мазкур ба ҳисоб меравад.
Нафароне, ки корманди соҳаи маориф ва ё тандурустӣ ҳастанд ва таҷрибаи кории бефосилаи на кам аз 12 моҳ доранд, метавонанд ба филиалҳо ва марказҳои хизматрасонии бонкии «Эсхата» муроҷиат намоянд.
Дар Донишгоҳи давлатии Хуҷанд 17 ихтисоси нав таъсис дода шуд
Дар Душанбе Форуми байналмилалӣ оид ба кори иҷтимоӣ ва хизматрасониҳои иҷтимоӣ доир гардид
«ҲАФТКӮЛ». Ин мавзеи табиии Тоҷикистон маркази рушди сайёҳии экологӣ маҳсуб мешавад
Имрӯз дар водиҳои Тоҷикистон ҳаво то 33 дараҷа гарм мешавад
3 август дар Донишкадаи давлатии фарҳанг ва санъат ва Донишкадаи тарбияи ҷисмонӣ нишасти матбуотӣ доир мегардад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Душанбе шумораи электробусҳо қариб ба 200 адад мерасад
Имрӯз дар доманакӯҳҳо ҳаво то 38 дараҷа гарм мешавад
