«Дӯстдорони табиат» барои кумаки ғизоӣ ба паррандагону ҳайвоноти ваҳшӣ ба «Наҷот» мепайванданд
ХОРУҒ, 04.02.2017. /АМИТ «Ховар»/. Як гурӯҳи кормандони Раёсати ҳифзи муҳити зисти ВМКБ ва ихтиёриён ба кӯҳу пуштаҳо баромада, дар мавзеъҳое, ки одатан паррандагон ҷамъ мешаванд, дони гандум ва алаф партофтанд. Сардори Раёсати ҳифзи муҳити зисти ВМКБ Мулкамон Назаралиев гуфт, ки ҳамасола паррандагону ҳайвоноти ваҳшӣ гулу буттаҳои хушкшударо истеъмол мекарданд ва чандон ниёз ба ғизои иловагӣ надоштанд.
«Аммо имсол ғафсии барф дар кӯҳдоманҳо аз як метр боло рафт ва тамоми гулу буттаҳоро пӯшонид. Аз ин рӯ паррандагону ҳайвонот дар ҷустӯҷуи хӯрок аз қуллаҳои кӯҳу даман ба марзҳои маҳаллаҳои аҳолинишин фуромаданд. Имрӯз ҳатто сокинони баъзе аз маҳаллаҳои шаҳри Хоруғ бо садои кабкони дарӣ аз хоб бедор мешаванд. Аз ин рӯ раёсати ҳифзи муҳити зисти ВМКБ ба сокинони шаҳру ноҳияҳо муроҷиат кард, ки мувофиқи имконият ба паррандагону ҳайвоноти ваҳшӣ дасти кумак дароз кунанд»,-иброз дошт Мулкамон Назаралиев.
Амалиёти «Наҷот» то даҳаи дуюми моҳи март идома меёбад ва баъди муътадил шудани вазъи ҳаво омӯзгорону шогирдони мактабҳо, ки бештарашон шомили маҳфили «Дӯстдорони табиат» мебошанд, ба ин амалиёт пайваст хоҳанд шуд.
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
