Дар ноҳияи Фирдавсӣ ҳолатҳои дуздии кувваи барқ ошкор гардиданд
ДУШАНБЕ, 02.02.2017. /АМИТ «Ховар»/. Зимни баргузории тадбирҳои мақсадноки кормандони Сарраёсати хадамоти давлатии оташнишонии ВКД ва воҳидҳои он далелҳои истифодаи ғайриқонунии қувваи барқ дар нонпазхонаи хусусии сокини кӯчаи Крупская 8 «б»-и ноҳияи Фирдавсии шаҳри Душанбе Абдурофеъ Ҳайдарови 44-сола ошкор карда шуд.
Тавре аз Сарраёсати Хадамоти давлатии оташнишонии ВКД хабар доданд, зимни гузаронидани ин тадбирҳо муайян гардид, ки бародарзодаи ӯ Зиёдулло Ҳайдаров, соли таваллудаш 1978, зодаи ноҳияи Нуробод дар ду танӯр худсарона бо истифода аз қувваи барқ ба пухтани нону кулча машғул шуда, ҳамчунин чанд муддат аст, ки ҳаққи истифодаи қувваи барқро низ напардохтааст. Маблағи он наздик ба 2000 сомониро ташкил медиҳад.
Чунин як ҳолати дигари истифодаи ғайриқонунии қувваи барқ дар нонпазхонаи хусусии соҳибкори инфиродӣ Гулнигор Бобоева, соли таваллудаш 1973, вокеъ дар кӯчаи Крупская 8 «а» низ ошкор гардид. Маълум шуд, ки Гулнигор Бобоева на танҳо даст ба истифодаи ғайриқонунии қувваи барқ задааст, инчунин ӯ талаботи қоидаҳои бехатарӣ аз сӯхтор ва санитарию гигиениро чун ҳамсояаш Абдурофеъ Ҳайдаров дар дӯкони нонпазиаш дидаву дониста сарфи назар намудааст.
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Имрӯз дар ноҳияҳои кӯҳии Тоҷикистон ҳаво то 16 дараҷа гарм мешавад
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
