Дар ноҳияи Муъминобод аз 40 то 60 сантиметр барф борид
МУЪМИНОБОД, 08.02.2017 /АМИТ «Ховар»/. Рӯзҳои 3- 4 феврали соли равон дар ноҳияи Муъминобод аз 40 то 60 сантиметр барф борид. Дар деҳоти кӯҳистон бориши барф аз ин ҳам зиёд ба қайд гирифта шудааст.
Бо мақсади таъмини ҳаракати мунтазами нақлиёт дар роҳи дорои аҳамияти ҷумҳуриявӣ ва маҳаллӣ кормандони Муассисаи давлатии нигоҳдории роҳҳои мошингарди ноҳия ба таври шабонарӯзӣ фаъолият бурда, ҳангоми бориши барф сари вақт маводи зиддилағжиш ва омехтаи қуму намак мепошанд.
Тавре Темур Ҳаётов, сардори муассисаи мазкур иттилоъ дод, давоми солҳои охир дар ноҳия чунин бориши зиёди барф ба қайд нагирифта шуда буд. Омодагии хуби муассиса ба тирамоҳу зимистони имсола имкон фароҳам овард, ки бо истифода аз техникаи соҳавӣ коргарони муасиса роҳҳоро сари вақт аз барф тоза намоянд.
Дар баробари Муассисаи давлатии нигоҳдории роҳҳои мошингарди ноҳия кормандони корхонаи хоҷагии манзилию коммуналӣ давоми ду шабонарӯз дар маркази ноҳия фаъолияти хуб нишон дода, роҳҳо ва дарахтони ороишию сояафканро аз барф тоза карданд.
Ба иттилои маркази обуҳавосанҷӣ, давоми чанд рӯзи оянда ҳавои бебориш дар назар дошта шуда, сардии ҳаво дар ноҳияҳои кӯҳистони минтақаи Кӯлоб то 14 дараҷа пешгӯӣ мешавад.
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
