Дар Сарбанд ба ифтихори Наврӯз озмуни «Кадбонуи беҳтарин» баргузор шуд
ДУШАНБЕ, 09.02.2017. /АМИТ «Ховар»/. Дар доираи омодагиҳо ба ҷашни Наврӯзи байналмилалӣ дар боғи фарҳангии шаҳри Сарбанд озмуни шаҳрии «Кадбонуи беҳтарин» баргузор гардид.
Бино ба иттилои шуъбаи иттилоотию таҳлилии дастгоҳи раиси вилояти Хатлон, озмун бо мақсади эҳёи касбҳои миллӣ, дарёфти ҳунарҳои мардумӣ, аз қабили таомҳои қадимӣ ва тарғиби расму оинҳои миллӣ роҳандозӣ гардид. Дар озмун духтарони ҳунарманди ҷамоатҳои деҳоти «Гулистон»-у «Ваҳдат» ва тамоми ташкилоту муассисаҳои шаҳр иштирок намуданд. Иштирокчиёни озмун бо анвои гуногуни хӯрокҳои миллӣ, шириниҳои рангоранг, хӯришҳову меваҷоти тоза дастурхони идона ороста, ҳунари худро ба тамошо гузоштанд. Озмун бо риояи тамоми суннатҳои наврӯзӣ ҷараён гирифт.
Ҳунари пазандагии бонувони хушсалиқа аз ҷониби сардори Раёсати кор бо занон ва оилаи мақомоти иҷроияи ҳокимияти давлатии вилояти Хатлон Раъно Раҳимзода, сармутахассиси раёсати мазкур Гулчеҳра Наимова ва собиқадори меҳнат Хатича Ализода баҳогузорӣ карда шуд.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
