Дастаи ҷавонони футзали Тоҷикистон ба сабади сеюм ҷойгир шуд

Февраль 21, 2017 10:03

ДУШАНБЕ, 21.02.2017/АМИТ «Ховар»/. Дастаи мунтахаби ҷавонони футзали Тоҷикистон ба сабади сеюми Чемпионати Осиё оид ба футзал ҷойгир шуд. Дар ин бора сайти Конфедератсияи футболи Осиё (КФО) хабар медиҳад.
Чемпионати Осиё миёни футболбозони то 20-сола бори аввал аз футзал гузаронида мешавад. Дастаи мунтахаби Тоҷикистон ба сабади сеюм бо дастаҳои мунтахаби Лубнон, Арабистони Саудӣ ва Тайбейи Чин ҳамроҳ шуд ва ин дастаҳо дар марҳалаи гурӯҳӣ бо ҳам рақобат нахоҳанд кард.
Дастпарварони Пайрав Воҳидов 30 март баъди қуръакашӣ дар шаҳри Бангкоки Таиланд, ки бозиҳои Чемпионати Осиё-2017 дар он аз 9 то 21 май баргузор мешаванд, рақибони худро дар гурӯҳ муайян мекунанд. Аз рӯи низомнома як гурӯҳ аз 6 даста ва се гурӯҳ аз 5 даста таркиб меёбанд. Ду дастаи беҳтарин аз гурӯҳҳо муборизаро барои медалҳо дар чорякфинал идома медиҳанд.
Маҷмӯи сабадҳо барои қуръакашӣ ин дастаҳоро бо ҳам оварданд:
Сабади 1: Эрон, Ӯзбекистон, Таиланд, Ветнам.
Сабади 2: Япония, Ироқ, Қирғизистон, Қатар.
Сабади 3: Лубнон, Арабистони Саудӣ, Тайбэйи Чин, ТОҶИКИСТОН.
Сабади 4: Чин, Малайзия.
Сабади 5: Афғонистон, Баҳрайн, Бруней, Гонконг, Мянма, Муғулистон, Амороти Мутаҳидаи Араб.

Февраль 21, 2017 10:03

Хабарҳои дигари ин бахш

Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод