Давронҷон Эргашев дар «Тараз» боқӣ мемонад

ДУШАНБЕ, 03.02.2017/АМИТ «Ховар»/. Муҳофизатгари дастаи мунтахаби Тоҷикистон Давронҷон Эргашев ҳунарнамоии худро дар дастаи «Тараз»-и Қазоқистон идома медиҳад. Дар ин бора шартномаи ӯ бо клуб то анҷоми мавсими соли 2017 дароз карда шуд.
Тавре сомонаи ФФТ хабар медиҳад, Давронҷон Эргашеви 28-сола солҳои охир дар КФ «Жетису» ва «Тараз»-и Қазоқистон бозӣ мекунад. Ӯ дар Премйер-Лигаи ин кишвар 72 вохӯрӣ гузаронида, муаллифи 2 гол шудааст.
«Тараз» соли гузашта аз сабаби ҳунарнамоии на онқадар хуб аз Премйер- Лига ба Лигаи якуми чемпионати Қазоқистон гузашт.