Фарҳод Раҳимӣ ба Будапешт меравад

ДУШАНБЕ,13.02.2017/АМИТ «Ховар»/. Фарҳод Раҳимӣ — раиси кумитаи Маҷлиси миллии Маҷлиси Олӣ Ҷумҳурии Тоҷикистонро дар семинари минтақавӣ, ки 23-24 феврал дар шаҳри Будапешт баргузор мешавад, намояндагӣ менамояд. Семинари минтақавӣ дар мавзӯи «Таъсири мутақобилаи парлумонҳо бо мақсади рушди устувор: сармоягузорӣ барои ҳамкории оянда дар масъалаҳои тағйири иқлим ва захираҳои об» гузаронида шуда, дар кори он дар радифи олимону коршиносон, инчунин ҳайатҳои баландпояи парлумонҳои кишварҳои ҷаҳон ширкат менамоянд.
Семинари мазкур дар доираи омодагӣ ба гузаронидани муколамаи Маҷмааи Умумии Созмони Миллали Муттаҳид ва бо мақсади густариши равобити дуҷонибаи кишварҳои Иттиҳоди байнипарлумонӣ гузаронида мешавад.
Интизор меравад, ки дар доираи семинар масъалаҳои марбут ба захираҳои об ва тағйирёбии иқлим матраҳ гарданд.