Федератсияи футболи шаҳри Душанбе мавсими соли 2016-ро ҷамъбаст кард
ДУШАНБЕ, 13.02.2017/АМИТ «Ховар»/. Дирӯз федератсияи футболи шаҳри Душанбе бо баргузории як нишасти бузург дар тарабхонаи «Истиқлол» мавсими футболи соли 2016-ро ҷамъбаст кард.
Дар ин ҷамъомад дастаҳои футболи беҳтарини шаҳр бо туҳфаву мукофотҳо сарфароз гардиданд.
Миёни кӯдакону наврасони соли таваллудашон 2003-2004 футболбозони Мактаби ҷумҳуриявии маҳорати олии варзиш (МҶМОВ, тренераш Сафаралӣ Раҳмонов) соҳиби ҷоми шаҳр ва дастаи «Солор» (мураббиаш Насим Набиев) ғолиби мусобиқаи шаҳрӣ дар ин синн гардиданд. Дар байни футболбозони соли таввалудашон 2001-2002, баръакс «Солор» соҳиби ҷом ва МҶМОВ ғолиби мусобиқа шуданд. Дар синну соли аз ҳама бузург- 1999-2000 ҷомро бозингарони МҶМОВ-«Адидас» ва медалҳои тиллои чемпионатро футболбозони «Истиқлол» ба даст оварданд.
Беҳтарин бозингарони мавсими соли гузаштаи футболи шаҳр Муҳаммад Муҳаммадзода (МҶМОВ), Ҳамза Аҳтамов («Истиқлол») ва Ислом Зоиров эълон шуданд.
Унвони мураббӣ ва довари беҳтарини солро Насим Набиев («Солор») ва Насим Ҳамидов аз худ карданд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
