Ҳимояи марзу буми кишвар вазифаи ҳар ҷавон аст
ДУШАНБЕ, 13.02.2017. /АМИТ «Ховар»/. Бахшида ба Рӯзи Қувваҳои мусаллҳи Тоҷикистон ва бо мақсади баланд бардоштани ҳисси ватандўстии ҷавонон, хизмати софдилона ба Ватан ва ҳимояи марзу буми кишвар дар қисми ҳарбии 87/740 ба номи Иззатулло Куганови Вазорати мудофиаи Ҷумҳурии Тоҷикистон, воқеъ дар ноҳияи Абдураҳмони Ҷомӣ вохӯрии хонандагон бо сарбозону афсарон доир гардид.
Тавре ки аз шуъбаи иттилоотию таҳлилии дастгоҳи Раиси вилояти Хатлон ба АМИТ «Ховар» хабар доданд, вохӯрӣ бо ташаббуси Раёсати ҷавонон, варзиш ва сайёҳии вилояти Хатлон гузаронида шуд.
Толибилмон бо шароити хизматии аскарон шинос гардиданд. Дар мулоқот миёни толибилмон ва сарбозон мусобиқаҳои варзишӣ, аз қабили футбол, волейбол ва шашка доир карда шуд.
Дар мулоқот аз ҷониби Раёсати ҷавонон, варзиш ва сайёҳии вилояти Хатлон ба ғолибони мусобиқаҳо ва сарбозони қисми низомӣ, ки ихтиёран ба сафи Қувваҳои мусаллаҳ дохил шудаанд, туҳфаҳои хотиравӣ супорида шуданд.
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
