Имрӯз «Истиқлол» ва «Регар — ТадАЗ» дар бозии финалии Ҷоми ФФТ ба майдон меоянд
ДУШАНБЕ, 24.02.2017/АМИТ «Ховар»/. Дастаҳои «Истиқлол»-и Душанбе ва «Регар — ТадАЗ»-и Турсунзода имрӯз соати 17:00 дар бозии ниҳоии Ҷоми ФФТ вориди майдони Варзишгоҳи марказии пойтахт мегарданд.
Давоми ду моҳ бо ширкати дастаҳои Лигаи дуюм, якум ва Лигаи олии Чемпионати мамлакат мусобиқа барои Ҷоми ФФТ дар минтақаҳо ва баъдан бозиҳои финалии он дар шаҳри Душанбе гузаронида шуд ва имрӯз ғолиб муайян мегардад. Дар сатҳи бозиҳои ниҳоӣ «Истиқлол» ва «Регар ТадАЗ» ягон маротиба бо ҳам қувва наозмудаанд, вале ҳар ду даста ду маротибагӣ ин Ҷомро ба даст овардаанд.
«Истиқлол»и Душанбе солҳои 2014/2015 ду маротиба дар бозии ниҳоӣ «Хайр»-и Ваҳдатро (2:0 ва 5:1) ноком кардааст ва имсол маҳз бо сабаби аз мусобиқа даст кашидани «Хайр»-и Ваҳдат дар бозиҳои финалӣ «Истиқлол» аз зинаи сеюм ба бозиҳои ниҳоӣ роҳ ёфт ва ҳамаи дастаҳоро ба мағлубият рӯ ба рӯ кард. Дар бозиҳои минтақаи марказ истиқлолиҳо бо ҳайати ҷавонони худ иштирок карда буданд.
«Регар ТадАЗ» соли гузашта дар бозии финалӣ «Хуҷанд»-и Хуҷандро бо ҳисоби 1:0 мағлуб карда, соҳиби Ҷом гардид. Дигар ғалабаи футболбозони шаҳри Турсунзода ба соли 2012, аввалин мусобиқаи Ҷоми ФФТ рост меояд. Он вақт «Хайр»и Ваҳдат бо натиҷаи 1:0 мағлуб шуда, Ҷомро ба «Регар ТадАЗ» дод.
Аз панҷ бозии ниҳоии пешина «Хайр»-и Ваҳдат дар чортоаш иштирок кардааст. Соли 2013 футболбозони ин даста дар вохӯрии ниҳоӣ бар КМВА «Помир» (1:1, аз зарбаҳои пеналтӣ-6:5) ғалаба кардаанд.
Акнун дар бозии шашум имрӯз кадом даста ғолиб меояд, баъди ҷамъбасти мусобиқа маълум хоҳад шуд.








Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод






