Маҳфили омӯзишии «Ҷавонон- пайрави Пешвои миллат» ҷавонони фаъолро интизор аст

ДУШАНБЕ, 09.02.2017 /АМИТ «Ховар»/. Иттифоқи ҷавонони Тоҷикистон нақша дорад дар доираи грантҳои Ҳукумати Ҷумҳурии Тоҷикистон барои ташкилотҳои ҷамъиятӣ маҳфили омӯзишии «Ҷавонон- пайрави Пешвои миллат»- ро ташкил намояд.
Тавре аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба АМИТ «Ховар» хабар доданд, маҳфили омӯзишии «Ҷавонон-пайрави Пешвои миллат» барои тарбияи ватанпарастии ҷавонон нигаронида шуда, он бо мақсади фаъолнокии сиёсӣ ва ҳуқуқии ҷавонон доир мегардад.
Маҳфили мазкур 3 моҳро дар бар гирифта, дар фарҷом иштирокчиён соҳиби сертификат мешаванд.
Дар маҳфили омӯзишӣ ҷавонони фаъолу ташаббускори манотиқи ҷумҳурӣ метавонанд иштирок кунанд.
Маҳфили омӯзишии «Ҷавонон- пайрави Пешвои миллат» бахшида ба Соли ҷавонон роҳандозӣ шудааст.