Пагоҳ дар ҷумҳурӣ боридани борони пуршиддат дар назар аст

ДУШАНБЕ, 13.02.2017. /АМИТ «Ховар»/. Мутахассисони Агентии обуҳавошиносии Тоҷикистон пагоҳ дар ҷумҳурӣ боридани борони пуршиддатро пешгӯӣ менамоянд.
Тавре ба АМИТ «Ховар» аз агентии мазкур хабар доданд, 14 феврал дар ноҳияҳои Хатлон ҳавои тағйирёбандаи абрнок, дар баъзе ҷойҳо борони пуршиддат ва туман пешгӯӣ шуда, ҳаво шабона 4-9 дараҷа, рӯзона 6-11 дараҷа гарм мешавад . Дар ноҳияҳои Суғд низ борон дар назар дошта шуда, дар ноҳияҳои кӯҳӣ эҳтимоли боридани барф пешгӯӣ мешавад. Ҳарорати ҳаво шабона 0-5 дараҷа ва рӯзона то 3-8 дараҷа гарм мешавад. Дар навоҳии тобеи марказ ҳавои абрнок, борони пуршиддат ва дар кӯҳҳо барф дар назар дошта шуда, ҳарорати ҳаво шабона 2-7 ва рӯзона 7-12 дараҷа гарм мешавад. Дар ВМКБ боридани барф, дар баъзе ҷойҳо барфи бошиддат пешгӯӣ шуда, ҳарорати ҳаво дар ғарби вилоят шабона 3-8 дараҷа хунук, -1+4 дараҷа гарм ва дар шарқи вилоят шабона 17-22, рӯзона 2-7 дараҷа хунук хоҳад шуд.
Дар Душанбе ҳавои абрнок, баъзан борони пуршиддат дар назар дошта шуда, ҳаво шабона 3-5, рӯзона то 9 дараҷа мешавад.