Прокуратураи генералӣ, Палатаи ҳисоб ва Ваколатдор оид ба ҳуқуқи инсон хабарнигоронро ба нишастҳои матбуотӣ даъват менамоянд

ДУШАНБЕ, 02.02.2017. /АМИТ Ховар/. Пагоҳ, 3 феврали соли 2017 Прокуратураи генералии Ҷумҳурии Тоҷикистон, Палатаи ҳисоби Ҷумҳурии Тоҷикистон, Ваколатдор оид ба ҳуқуқи инсон дар Ҷумҳурии Тоҷикистон нишасти матбуотӣ баргузор менамоянд.
Роҳбарони сохторҳои мазкур омодаанд, ки ба суолҳои хабарнигорони ВАО оид ба дастоварду камбудиҳои фаъолияташон дар соли 2016 посух бигӯянд.
Хотиррасон менамоем, ки нишасти матбуотии Прокуратураи генералии Ҷумҳурии Тоҷикистон соати 09-00 дар бинои Прокуратураи генералӣ, Палатаи ҳисоби Ҷумҳурии Тоҷикистон соати 09-00 дар толори Маркази матбуоти ҷумҳуриявии АМИТ «Ховар» ва Ваколатдор оид ба ҳуқуқи инсон дар Ҷумҳурии Тоҷикистон соати 11-00 дар бинои сохтори мазкур, воқеъ дар кӯчаи Ҷалол Икромӣ №7 баргузор мегарданд.
Барои гузаронидани нишастҳои матбуотӣ вазорату идораҳо метавонанд бо маркази матбуоти ҷумҳуриявии АМИТ «Ховар» бо рақами телефони 918-21-52-04 тамос гиранд.