Рейтинги нави ФИФА ба нашр расид
ДУШАНБЕ, 10.02.2017/АМИТ «Ховар»/. Рейтинги нави Федератсияи байналмилалии футбол (FIFA), ки 9 феврал интишор ёфт, мавқеи Тоҷикистонро як зина поён бурд ва акнун дар байни 211 кишвар бо 231 имтиёз дар мақоми 133-юм қарор дорад.
Футболи Тоҷикистон дар байни дастаҳои Конфедератсияи футболи Осиё (КФО) мақоми 22-юмро ба худ ихтисос додааст. Ҷумҳурии Исломии Эрон ҳамоно дар ҷойи аввал (дар ҷаҳон 32-юм), Кореяи Ҷанубӣ дар ҷойи дувум (39) ва Ҷопон дар ҷойи сеюм (52) ҷойгир шудаанд.
Дар миёни дастаҳои футболи ҷаҳон Аргентина дар феҳристи нав бо 1635 имтиёз садрнишин аст. Дастаи мунтахаби Бразилия (1544 имтиёз) дар ҷойи дувум ва тими Олмон (1433 имтиёз) дар ҷойи сеюманд.
Аз байни кишварҳои пасошӯравӣ зинаи аз ҳама баланд ба Украина (30) тааллуқ дорад. Русия (61) ва Ӯзбекистон (63) мутаносибан дар ҷойҳои дуюм ва сеюм мебошанд. Тоҷикистон дар ин шумора пеш аз Туркманистон (144) ва Молдова (163) мавқеъ дорад.
Рейтинги FIFA аз соли 1993 инҷониб аз рӯи натоиҷи дастаи мунтахаби миллии кишварҳо дар давраи ҳар чаҳор сол муайян карда мешавад. Беҳтарин нишондоди Тоҷикистон аз оғоз то ба имрӯз зинаи 106-ум дар моҳи июни соли 2013 ба ҳисоб рафта, пасттаринаш ҷойи 180-ум дар соли 2003 мебошад.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
