«Россотрудничество» намояндагиашро дар шимоли Тоҷикистон боз хоҳад кард

ДУШАНБЕ, 20.02.2017/АМИТ «Ховар»/. «Россия тасмим дорад, ки дар оянда дар шимоли Тоҷикистон- шаҳри Хуҷанд намояндагии Маркази илмию фарҳангии Россия, мавсум ба «Россотрудничество»-ро боз намояд»,- гуфт зимни суханронӣ дар ҳамоиши байналмилалӣ ба ифтихори 25-солагии равобити дипломатии Тоҷикистону Россия дар Душанбе Игор Лякин-Фролов, Сафири Фавқулода ва Мухтори Федератсияи Россия дар Ҷумҳурии Тоҷикистон.
Бояд тазаккур дод, ки соли 1995 байни Тоҷикистону Россия Созишномаи байниҳукуматӣ оид ба ҳамкории илмию фарҳангӣ, техникӣ, маориф, тандурустӣ, иттилоот, туризм ва варзиш ба имзо расонида шу два он заминаи ҳуқуқиро барои рушди минбаъдаи ҳамкории илмию фарҳангӣ фароҳам овард. Дар ин росто, моҳи сентябри соли 2011 дар Душанбе намояндагии Маркази илмию фарҳангии Россия -«Россотрудничество» кушода шуд, ки самти фаъолияти он ба тавсеаи ҳамкории гуманитарии Тоҷикистону Россия, муаррифии илму фарҳанги ин кишвар дар Тоҷикистон нигаронида шудааст.