«Рушди ҳаракати волонтёрӣ» барои ҷалби ҷавонон ба корҳои ҷамъиятӣ
ДУШАНБЕ, 13.02.2017. /АМИТ «Ховар»/. Ба муносибати Соли ҷавонон эълон гардидани соли 2017 аз ҷониби волонтёрони фаъоли Раёсати ҷавонон, варзиш ва сайёҳии вилояти Хатлон бо мақсади ҷалби ҷавонон ба корҳои ҷамъиятӣ, саҳмгузорӣ дар ободонии маҳал ва баланд бардоштани рӯҳияи ватандӯстии онҳо дар ноҳияҳои Дӯстӣ, Ҷалолиддини Балхӣ, Ҷайҳун ва Вахш дар мавзӯи «Рушди ҳаракати волонтёрӣ» омӯзишҳо баргузор гардиданд.
Бино ба иттилои шуъбаи иттилоотию таҳлилии дастгоҳи раиси вилояти Хатлон, ба омӯзишҳо беш аз 100 нафар ҷавонон ҷалб гардиданд. Дар омӯзишҳо ба иштирокчиён оид ба таърихи пайдоиш ва ташаккули фаъолияти волонтёрӣ, рушди ҳаракати волонтёрӣ дар Тоҷикистон, вазифа ва уҳдадориҳои волонтёр, малакаҳои сарварӣ, сифатҳои сарвар маълумот дода шуданд. Дирӯз дар ноҳияи Хуросон чунин давраи омӯзишӣ баргузор гардид.
Дар назар аст, ки бо иштироки волонтёрон ба муносибати Соли ҷавонон дар шаҳру ноҳияҳои вилоят иқдому барномаҳои гуногуни тарбиявӣ баргузор шаванд.
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Имрӯз дар Тоҷикистон ҳавои бебориш дар назар аст
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
