Саҳми Тоҷикистон дар беҳтар гардидани муҳити зисти мардуми сайёра
ДУШАНБЕ, 11.02.2017 /АМИТ «Ховар»/. Имрӯз бо ташаббуси Кумитаи иҷроияи Ҳизби Халқии Демократии Тоҷикистон дар шаҳри Кўлоб дар якҷоягӣ бо ташкилотҳои ибтидоии ҳизбии «Эколог» ва «Табиат» конфронси илмӣ-назариявӣ бахшида ба «Даҳсолаи байналмилалии амал «Об барои рушди устувор барои солҳои 2018-2028» таҳти унвони «Саҳми Тоҷикистон дар беҳтар гардидани муҳити зисти мардуми сайёра» бо иштироки беш аз 100 нафар аъзо ва ҷонибдорони ҲХДТ баргузор гардид.
Тавре аз Кумитаи иҷроияи Ҳизби Халқии Демократии Тоҷикистон дар шаҳри Кўлоб хабар доданд, дар кори конфронс Саъбагул Валиева, Раиси Кумитаи иҷроияи ҲХДТ дар шаҳри Кулоб, Саймурод Исмоилзода, муовини раиси шаҳри Кўлоб ва дигарон баромад намуданд.
«Нахуст кори конфронс аз намоиши барномаи бадеӣ таҳти унвони «Нақши об дар дар таърихи ташаккули башарият» ва қироати порчаҳои шеърӣ таҳти унвони «Иқдоми пешво» аз тарафи хонандагони Гимназияи технологии шаҳри Кўлоб оғоз гардида, баъдан иштирокчиён дар мавзуҳои «Аҳамияти ташаббуси Тоҷикистон дар беҳдошту ҳифзи муҳити зист», «Даҳсолаи байналмилалии амал «Об барои рушди устувор барои солҳои 2018-2028»» аз нигоҳи экологӣ» маърўза карданд»,- иттилоъ дод манбаъ.
Дар ҳамин радиф бо иштироки аъзои ТҶҶ «Созандагони Ватан» ҳамоиши ҳизбӣ таҳти унвони «Покизагии хоку обуҳавои Ватан аз обҳои поку мусаффои он аст» доир гардид.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
