Шиори ҷавонони шаҳри Ваҳдат: «Бо Пешвои миллат будем, ҳастем ва мемонем!»
ВАҲДАТ, 1.02.2017. /АМИТ «Ховар»/. Бахшида ба Соли ҷавонон дар Қасри фарҳанги шаҳри Ваҳдат мулоқот баргузор шуд. Дар он муовини Раиси шаҳри Ваҳдат Фарзона Хоҷазода, мудири Бахши кор бо занон ва оила Зарина Одинаева ва мудири Бахши ҷавонон, варзиш ва сайёҳии шаҳри Ваҳдат Маъруфҷон Азиззода нуктаҳои муҳими Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба ҳозирин фаҳмониданд. Дар ин бора масъули Бахши ҷавонон, варзиш ва сайёҳии шаҳри Ваҳдат ба хабарнигори АМИТ «Ховар» иттилоъ дод.
Зикр гардид, ки Соли ҷавонон эълон гардидани соли 2017 барои мардуми тоҷик, хусусан барои насли ҷавон фоли нек аст. Ҷавонон бояд ҳамеша фаъол бошанд, масъулияти бузургеро, ки Сарвари давлат ба зиммаашон вогузор кардааст, эҳсос намуда, баҳри пешрафту шукуфоии Тоҷикистон қувваю неруи хешро сарф намоянд. Шиори ҷавонони шаҳри Ваҳдат чунин аст: «Мо — ҷавонони шаҳри Ваҳдат бо Пешвои миллат будем, ҳастем ва мемонем!».
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
