Вохӯрии Эстер Тетруашвили бо намояндагони Вазорати корҳои дохилӣ
ДУШАНБЕ, 03.02.2017. /АМИТ «Ховар»/. Дар Вазорати корҳои дохилии Ҷумҳурии Тоҷикистон вохӯрии намояндагони вазорат бо намояндаи Сафорати Иёлоти Муттаҳидаи Амрико дар Тоҷикистон хонум Эстер Тетруашвили доир гардид.
Тавре аз Вазорат хабар доданд, дар вохӯрӣ аз ҷониби Вазорати корҳои дохилӣ сардори Раёсати ҳамкории байналмилалӣ Зумрад Абдуллозода, муовини сардори Академияи Вазорати корҳои дохилӣ оид ба корҳои илм Каримҷон Солиев ва кормандони масъули Раёсати мубориза бо ҷиноятҳои муташаккили ВКД иштирок доштанд.
Дар ҷараёни вохӯрӣ масъалаҳои ҳамкории дуҷониба дар самти мубориза ба муқобили хариду фурӯши одамон, кӯшишҳои ҷониби Тоҷикистон дар пешгирии ин зуҳуроти номатлуб ва расонидани кумак ба қурбониёни ҷиноятҳои мазкур мавриди баррасӣ қарор гирифтанд.
«Ҷумҳурии Тоҷикистон аз замони соҳибистиқлолӣ ҳамчун узви баробарҳуқуқи ҷомеаи ҷаҳонӣ тамоми санадҳои байналмилалиро дар самти ҳуқуқи инсон эътироф ва қабул намудааст. Дар ин замина як қатор санадҳои меъёрии ҳуқуқӣ низ ба тасвиб расонида шудаанд. Аз ҷумла, Қонуни Ҷумҳурии Тоҷикистон аз 26 июли соли 2014 «Дар бораи муқовимат ба савдои одамон ва расонидани кумак ба қурбониёни савдои одамон» қабул гардида, мавриди амал қарор дорад»,-хабар доданд аз вазорат.
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
