Заминфурӯш ба муҳлати 9 сол аз озодӣ маҳрум гардид
ДУШАНБЕ, 08.02.2017. /АМИТ Ховар/. Дар суди ноҳияи Рӯдакӣ парвандаи ҷиноятӣ нисбат ба судшаванда М.А.Низомов бо моддаҳои 338, эзоҳи 1 қисми 2, банди «б», 247 қисми 4 ва 340 қисми 2 бандҳои «б,в» Кодекси ҷиноятии Ҷумҳурии Тоҷикистон баррасӣ гардид.
Номбурда тирамоҳи соли 2013 тибқи маслиҳати пешакӣ бо Р.Н. Азизов, роҳбари хоҷагии деҳқонии «Нури-Алӣ», ҷамоати деҳоти Чимтеппаи ноҳияи Рудакӣ ба боварии сокини ҳамин ноҳия Ф.М. Нуралиев даромада, дидаву дониста, ки замин моликияти истисноии давлат мебошад, ба ивази 12500 доллари ИМА ба ӯ 0,05 гектар қитъаи замини корами обии хоҷагии деҳқониро ғайриқонунӣ вобаста намудааст. Ӯ дар ин хусус бо роҳи сохтакорӣ қарори раиси ҷамоати деҳоти Оққурғонро аз 29 апрели 2004 дар бораи ба номи ҳамсари ӯ ҷудо намудани қитъаи замини мазкур тартиб додааст.
Тавре аз Маркази матбуотии Прокуратураи генералии Ҷумҳурии Тоҷикистон хабар доданд, нисбат ба М.А. Низомов бо ҳукми суди ноҳияи Рӯдакӣ бо моддаҳои номбурдаи Кодекси ҷиноятии Ҷумҳурии Тоҷикистон ҷазои маҳрум сохтан аз озодӣ ба муҳлати 9 сол бо нигоҳ доштан дар муассисаи ислоҳии низомаш пурзӯр таъйин гардид.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
