Дар Донишкадаи соҳибкорӣ ва хизмат озмуни маърифатӣ-зеҳнии «Арўси наврўзӣ» доир шуд
ДУШАНБЕ, 7.03.2016 /АМИТ «Ховар»/. Дар Донишкадаи соҳибкорӣ ва хизмати Вазорати саноат ва технологияҳои нави Ҷумҳурии Тоҷикистон бахшида ба оғози фасли баҳор, ҳамчунин Рӯзи Модар ва ҷашни байналмилалии Наврӯз даври аввали озмуни маърифатӣ- зеҳнии «Арӯси наврӯзӣ» баргузор гардид.
Дар озмун донишҷӯдухтарони донишкада аз рӯи шартҳои пешниҳодгардида ҳунари хешро нишон дода, собит намуданд, ки онҳо дорои истеъдод ва салиқаи хос ҳастанд. Шартҳои озмун аз нишон додани ҳунари кадбонугӣ, намоиши либоси миллӣ, дарзмолкунӣ ва саволу ҷавоб иборат буд.
Ҳамчунин зимни озмун дастаи ҳунарии донишкада баҳри болидагии хотири бонувону иштирокчиён ҳунарнамоӣ намуд.
Дар ҷамъбасти озмун ғолибон муайян гардида, Шаҳноза Умарова, донишҷӯи курси дуюми факултети баҳисобгирӣ ва иқтисодӣ ва Мадина Хидирова, донишҷӯи курси якуми факултети хизмати молиявӣ сазовори ҷои аввал гардиданд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
