Дар Ҳисор таваллудхонаи замонавӣ дари худро ба рӯи сокинон боз кард
ДУШАНБЕ, 21.03.2017 /АМИТ «Ховар»/. Дар арафаи иди Наврӯзи байналхалқӣ дар деҳаи Меҳргони ҷамоати деҳоти Хонақоҳи кўҳии ноҳияи Ҳисор таваллудхонаи замонавӣ дари худро ба рӯи сокинон боз кард. Дар ин бора аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.
Тавре ки манбаъ иттилоъ дод, ин таваллудхонаи дуошёна барои 30 кат пешбинӣ гардида, 48 нафар кормандонро бо ҷои кори доимӣ таъмин менамояд. Ин таваллудхона ба беш аз 70 ҳазор сокинони ҷамоатҳои деҳоти Хонақоҳи кўҳӣ ва Алмосӣ хизмати босифати тиббӣ мерасонад. Он дорои таҷҳизоти муосири замонавӣ, аз қабили дастгоҳи рентгении рақамӣ, дастгоҳи даруннигарӣ, таҷҳизот барои кумаки аввалияи тиббӣ, ташхисгоҳи умумӣ ва биокимиёвӣ буда, имкон фароҳам меорад, то ба ниёзмандон хизмати босифати тиббӣ расонида шавад.
Муассисаи давлатии «Идораи сохтмони асосӣ»-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ин муассисаро ҷиҳати иҷрои Қарори Ҳукумати Ҷумҳурии Тоҷикистон «Дар бораи Барномаи рушди иҷтимоию иқтисодии ноҳияи Ҳисор барои солҳои 2012-2016» мавриди истифода қарор дод. Тибқи барномаи мазкур вазорат сохтмони Беморхонаи замонавӣ дар деҳаи Меҳргони ҷамоати деҳоти Хонақоҳи Кўҳии ноҳияи Ҳисорро соли 2015 оғоз намуда, онро моҳи декабри соли 2016 бо таъмини таҷҳизоту лавозимоти зарурии тиббӣ ба анҷом расонид.
Беморхона бо 30 кат имрӯз ба фаъолият шурӯъ намудааст.
Ҳаҷми корҳои иҷрошуда 5 миллиону 416 ҳазор сомониро дарбар гирифта, аз ин миқдор маблағ 552 ҳазор сомонӣ барои хариди таҷҳизоту лавозимоти зарурии тиббӣ сарф шудааст.
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
