Дар шаҳри Хуҷанд ба кӯдакони ятиму маъюб туҳфаҳои наврӯзӣ тақдим карданд

ХУҶАНД, 25.03.2017. /АМИТ «Ховар»/. Бахшида ба таҷлили Наврӯзи хуҷастапай ба Муассисаи давлатии махсусгардонидашудаи табобатии хонаи кӯдакони шаҳри Хуҷанд аз ҷониби сарпастон туҳфаҳои идона супорида шуданд.
Тавре ба мухбири  АМИТ «Ховар» масъулини Хонаи кӯдакони шаҳр иттилоъ доданд, дар ин муассиса зиёда аз 65 нафар кӯдакони ятиму бепарастор ба таълиму тарбия фаро гирифта шуда, зери ғамхории давлату ҳукумат қарор доранд.
Ба иттилои бахши иҷтимоии Мақомоти иҷроияи ҳокимияти давлатии шаҳри Хуҷанд бахшида ба Наврӯзи Аҷам чунин як хони идона дар маҷмааи кӯдакистони махсус барои кӯдакони кувваи босираашон суст ва нобино баргузор карда шуд. Дар ин рӯз кӯдакони ин муассиса барои меҳмонону сарпарастони хеш барномаи рангини идона намоиш доданд.