Хатлон: хатнасури 1136 писарбача ва тӯйи 91 ҷуфт ҷавонон дар рӯзҳои таҷлили Наврӯз
ДУШАНБЕ, 25.03.2017 /АМИТ «Ховар»/. Дар арафа ва рӯзҳои таҷлили Иди байналмилалии Наврӯз ҷиҳати иҷрои Амри Президенти Ҷумҳурии Тоҷикистон бо мақсади ба аҳолии ниёзманд, ятимон ва маъюбон расонидани кумакҳо аз ҷониби Мақомоти иҷроияи маҳаллии ҳокимияти давлатии вилояти Хатлон бо ҷалби ташкилоту муассисаҳо ва шахсони саховатпеша дар шаҳру ноҳияҳои вилоят хатнасури 1136 писарбача ва тӯйҳ домодию арӯсии 91 ҷуфт фарзандони оилаҳои ниёзманд гузаронида шуд.
Тавре аз шуъба оид ба корҳои дин, танзими анъана ва ҷашну маросимҳои миллии вилояти Хатлон хабар доданд, дар давоми соли 2017 бо ҷалби соҳибкорону шахсони саховатпеша ба муассисаҳои хизматрасонии иҷтимоӣ, аз ҷумла хона-интернатҳо барои маъюбону пиронсолон, мактаб-интернатҳо барои кӯдакону наврасони ятим, иштирокчиёну маъюбони Ҷанги дуюми ҷаҳон ва шахсони ба онҳо баробаркардашуда, шаҳрвандони ниёзманд ва оилаҳои тангдасту камбизоат, инчунин ҷузъу томҳои Қувваҳои мусаллаҳи Ҷумҳурии Тоҷикистон ба маблағи 1,2 миллион сомонӣ кӯмакҳои моддию молиявӣ расонида шудаанд.








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






