Маликшо Неъматов бо Габи Ромберг рушди соҳаи сайёҳиро баррасӣ карданд

ДУШАНБЕ, 07.03.2017. /АМИТ «Ховар»/. 6 марти соли равон Сафири Тоҷикистон дар Олмон Маликшо Неъматов дар бинои Сафорат бо Роҳбари ширкати олмонии бозорёбии сайру саёҳат хонума Габи Ромберг мулоқоти корӣ анҷом дод.
Дар оғози суҳбат Габи Ромберг оид ба таҷриба ва имконоти ширкаташон, ки дар бозорёбӣ ва ташвиқи захираҳои туристӣ твҷрибаи бузург дорад, нақл намуда, омодагиашонро барои ташвиқу тарғиби Тоҷикистон ҳамчун кишвари сайёҳӣ иброз дошт.
Сафири Тоҷикистон оид ба ҳолати кунунӣ ва нақшаҳои ояндаи Ҷумҳурии Тоҷикистон ҷиҳати рушди соҳаи сайёҳӣ ва захираю имконоти мавҷудаи соҳа маълумоти муфассал пешниҳод намуд.
Ҷонибҳо ба хулоса омаданд, ки ширкати Ромберг лоиҳаи мушаххас оид ба ташвиқи захираҳои туристии Тоҷикистонро таҳия намуда, барои баррасӣ пешниҳод менамояд.
Суҳбат дар фазои дӯстона ва ҳусни тафоҳуми ҳамдигарӣ баргузор гардид.