Ҷоми ҷаҳон-2018: даври 7-ум дар Осиё ҷамъбаст шуд
ДУШАНБЕ, 30.03.2017/АМИТ «Ховар»/. Марҳалаи сеюми бозиҳои интихобии Чемпионати ҷаҳон -2018 дар ду гурӯҳ дар қитъаи Осиё идома дорад. Дар даври 7 ин ҳафта дар гурӯҳи «А» дастаи мунтахаби Эрон баъди ғалабааш дар варзишгоҳи «Озодӣ»-и шаҳри Теҳрон бар дастаи мунтахаби Чин бо натиҷаи 1:0 мавқеашро дар садри ҷадвали гурӯҳ устувор кард. Кореяи Ҷанубӣ ҳам бо ҳамин натиҷа дастаи мунтахаби Сурияро мағлуб кард ва футболбозони Ӯзбекистон низ дар баробари Қатар дар шаҳри Тошканд бо ҳисоби 1:0 ҳарифи худро мағлуб карданд. Чор имтиёз бештар доштани дастаи мунтахаби Эрон ба онҳо имконият медиҳад, ки пеш аз муҳлат роҳхатро ба бозиҳои финалии Чемпионати ҷаҳон 2018 ба даст оранд.
Дар гурӯҳи «В» мунтахаби Япония баъди пирӯзии чашмрас бо ҳисоби 4:0 бар дастаи мунтахаби Таиланд аз рӯи шумораи тӯбҳо ба зинаи аввали ҷадвали гурӯҳи «В» баромад ва бо дастаи мунтахаби Арабистони Саудӣ имтиёзи баробар дорад.
Арабистони Саудӣ дар даври 7-ум Ироқро бо ҳисоби 1:0 мағлуб кард. Дастаи мунтахаби Австралия, ки дар марҳалаи дуюми бозиҳои интихобӣ бо дастаи мунтахаби Тоҷикистон дар як гурӯҳ қарор дошт, дастаи мунтахаби Амороти Мутаҳидаи Арабро бо нишондоди 2:0 шикаст дод ва зинаи сеюмро ишғол менамояд.
Натиҷаи бозиҳои даври 7-уми Ҷоми ҷаҳон2018 дар гурӯҳҳои Осиё:
Гурӯҳи «А»
Эрон Чин 1:0
Кореяи Ҷанубӣ Сурия 1:0
Ӯзбекистон – Қатар 1:0
| Дастаҳо | Б | Ғ | М | Б | Т/т | И |
| Эрон | 7 | 5 | 2 | 0 | 6-0 | 17 |
| Кореяи ҷанубӣ | 7 | 4 | 1 | 2 | 9-7 | 13 |
| Ӯзбекистон | 7 | 4 | 0 | 3 | 6-4 | 12 |
| Сурия | 7 | 2 | 2 | 3 | 2-3 | 8 |
| Чин | 7 | 1 | 2 | 4 | 3-7 | 5 |
| Қатар | 7 | 1 | 1 | 5 | 3-8 | 4 |
Гурӯҳи «В»
Япония – Таиланд 4:0
Арабистони Саудӣ – Ироқ 1:0
Австралия – Амороти Мутаҳидаи Араб 2:0
| Дастаҳо | Б | Ғ | М | Б | Т/т | И |
| Япония | 7 | 5 | 1 | 1 | 14-5 | 16 |
| Арабистони Саудӣ | 7 | 5 | 1 | 1 | 13-5 | 16 |
| Австралия | 7 | 3 | 4 | 0 | 11-6 | 13 |
| Амороти Мутаҳидаи Араб | 7 | 3 | 0 | 4 | 7-10 | 9 |
| Ироқ | 7 | 1 | 1 | 5 | 7-10 | 4 |
| Таиланд | 7 | 0 | 1 | 6 | 3-19 | 1 |
Бозиҳои даври 8-ум 12-ум ва 13-уми июн гузаронида хоҳанд шуд.
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
