Ҳамасола 2 дипломати тоҷик ба давраҳои омӯзишӣ дар Олмон ҷалб карда мешаванд
ДУШАНБЕ, 27.04.2017. /АМИТ «Ховар»/. 26 апрел дар Вазорати корҳои хориҷии Олмон мулоқоти Сафири Фавқулода ва Мухтори Ҷумҳурии Тоҷикистон Маликшо Неъматов бо роҳбари барномаҳои байналмилалии омӯзишии Вазорати корҳои хориҷии Олмон Стефан Бидерман баргузор шуд.
Тавре аз Сафорати Тоҷикистон дар Олмон хабар доданд, Сафири Тоҷикистон ҳамсуҳбаташро бо 25-солагии барқарорсозии муносибатҳои дипломатӣ байни Тоҷикистону Олмон табрик намуда, сатҳи ҳамкории дуҷонибаи гуногунҷабҳаи ҳарду кишвари дӯстро самарабахш арзёбӣ намуд. Ба мавзӯи ҳамкории байни вазоратҳои корҳои хориҷии ҳарду кишвар дахл карда, Сафир омодагии ҷониби Тоҷикистонро барои рушди ҳамкорӣ дар самти ҷалби дипломатҳои ҷавони тоҷик ба давраҳои омӯзишӣ дар Академияи дипломатии Вазорати корҳои хориҷии Олмон изҳор намуд.
Стефан Бидерман иброз дошт, ки ҷониби олмонӣ ҳавасманд аст ҳамкории дуҷонибаи Тоҷикистону Олмон дар оянда низ пайваста густариш ёбанд ва омодагӣ изҳор намуд, ки дар бахши ҳамкорӣ дар доираи барномаи байналмилалии омӯзиши дипломатҳои ҷавон ҳамасола 2 дипломати тоҷик ба давраҳои омӯзишӣ дар Олмон ҷалб шаванд.
Суҳбат дар фазои дӯстӣ ва ҳусни тафоҳуми ҳамдигарӣ доир гардид.
Имрӯз дар доманакӯҳҳои Тоҷикистон ҳаво то 37 дараҷа гарм мешавад
Дар Донишгоҳи давлатии Хуҷанд 17 ихтисоси нав таъсис дода шуд
Дар Душанбе Форуми байналмилалӣ оид ба кори иҷтимоӣ ва хизматрасониҳои иҷтимоӣ доир гардид
«ҲАФТКӮЛ». Ин мавзеи табиии Тоҷикистон маркази рушди сайёҳии экологӣ маҳсуб мешавад
Имрӯз дар водиҳои Тоҷикистон ҳаво то 33 дараҷа гарм мешавад
3 август дар Донишкадаи давлатии фарҳанг ва санъат ва Донишкадаи тарбияи ҷисмонӣ нишасти матбуотӣ доир мегардад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Душанбе шумораи электробусҳо қариб ба 200 адад мерасад
Имрӯз дар доманакӯҳҳо ҳаво то 38 дараҷа гарм мешавад
