Ҳамкории Ҳукумати Ҷумҳурии Тоҷикистон бо шабакаҳои рушди Бунёди Оғохон тавсеа меёбад
ДУШАНБЕ, 18.04.2017 /АМИТ «Ховар»/. Андешидани тадбирҳо бобати бартарафкунии оқибатҳои офатҳои табиӣ, ҳамкорӣ дар соҳаи кишоварзӣ ва бунёди шаҳраки нав аз мавзӯъҳое буданд, ки дар мулоқоти Раиси Вилояти Мухтори Кӯҳистони Бадахшон Шодихон Ҷамшед бо намояндаи доимии шабакаҳои рушди Бунёди Оғохон дар Тоҷикистон Алӣ Акбар Песнанӣ мавриди муҳокима қарор гирифтанд.
Нилуфар Асламшоева, корманди Мақомоти иҷроияи ҳокимияти давлатии вилояти Бадахшон ба АМИТ «Ховар» хабар дод, ки зимни мулоқот Шодихон Ҷамшед изҳор намуд, ки маҳз дар замони соҳибистиқлолии кишвар ҳамкории Ҳукумати Ҷумҳурии Тоҷикистон бо шабакаҳои рушди Бунёди Оғохон тавсеа ёфта, дар кишвар як қатор барномаҳо амалӣ гардиданд.
Таъкид гардид, ки бо дастгириҳои бевоситаи Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати аз байн бурдани мушкилоти сокинони маркази вилоят дар самти дастрасӣ ба манзили истиқоматӣ дар мавзеи Тем барои бунёди шаҳраки нав бо инфрасохтори муосир замин ҷудо гардида, корҳои соҳилмустаҳкамкунӣ ва кандани заҳбуру заҳкашҳо дар ин мавзеъ идома доранд. Изҳори боварӣ карда шуд, ки шабакаҳои рушди Бунёди Оғохон низ дар бунёди ин шаҳрак бо бунёд намудани меҳмонхонаи замонавӣ ва дастгирии соҳилмустаҳкамкунӣ саҳмгузорӣ менамоянд.
Алӣ Акбар Песнанӣ иброз намуд, ки самараи неки ҳамкории шабакаҳои рушди бунёди Оғохон бо Ҳукумати Ҷумҳурии Тоҷикистон баръало эҳсос мегардад. Шабака ният дорад, ки дар самти рушди соҳаи кишоварзӣ, аз ҷумла ҷиҳати таъмини сӯзишворӣ ва тухмии картошка саҳми худро гузорад.
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
