Ҷавонон пешбарандаи илми тоҷиканд
ДУШАНБЕ, 19.04.2017. /АМИТ «Ховар»/. Имрӯз дар доираи таҷлили Ҳафтаи илм дар Донишкадаи молия ва иқтисоди Тоҷикистон конференсияи илмию назариявии ҳайати профессорону устодон ва донишҷӯён бахшида ба Соли ҷавонон ва 20-солагии Рӯзи Ваҳдати миллӣ баргузор шуд.
Тавре аз донишкадаи мазкур хабар доданд, дар он намояндагон аз Вазорати молияи Ҷумҳурии Тоҷикистон ва Вазорати маориф ва илми Ҷумҳурии Тоҷикистон иштирок намуданд.
Ректори Донишкадаи молия ва иқтисоди Тоҷикистон Қудрат Давлатзода зикр кард, ки «дар конфронси имрӯза, ки натиҷаи пажӯҳишҳои илмии ҳайати профессорону омӯзгорони донишкада мебошад, масъалаҳои тараққиёти низоми молиявӣ, самтҳои алоҳидаи он, аз қабили омору ҳисобдорӣ, фаъолияти муносибатҳои хориҷӣ, андозу андозбандӣ, таҳлил ва назорати аудиторӣ дар шароити ҷаҳонишавӣ ва ҳамгироии минтақавӣ мавриди баҳсу таҳлил қарор мегиранд».
Дар конфронс дар мавзӯъҳои «Самтҳои афзалиятноки илми иқтисодиёт дар татбиқи ҳуҷҷатҳои стратегии рушди миллӣ», «Стратегияи миллии рушд то давраи соли 2030: роҳҳои татбиқи он» «Ҷавонон ва Ваҳдати миллӣ» маърӯзаҳо шунида шуданд.
Конфронс пагоҳ, 20 апрел корашро идома медиҳад ва 24 апрел ҷамъбаст гардида, пешниҳодҳои илман асосноки амалишаванда ба мақомоти дахлдор ирсол мегарданд.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
