Баргузории марҳилаи шаҳрии Фестивали бозиҳои миллии варзишӣ дар Хуҷанд

ХУҶАНД. 05.04.2017. /АМИТ «Ховар»/.  Бо мақсади эҳё ва рушди бозиҳои миллии варзишӣ, таҳкими тарзи ҳаёти солим ва пешгирии омилҳои номатлуб байни наврасону ҷавонон дирӯз дар маркази Суғд-шаҳри Хуҷанд дар доираи баргузории Фестивали бозиҳои миллии варзишӣ марҳилаи шаҳрии ин мусобиқот оғоз гардид. Тавре аз бахши ҷавонон, варзиш ва сайёҳии вилоят иттилоъ доданд, дар расми ифтитоҳи мусобиқоти мазкур намояндагони мақомоти маҳаллии шаҳр ва бахши ҷавонон, варзиш ва сайёҳии вилоят, варзишгарону мураббиёни мактабҳои варзишии шаҳр Хуҷанд аз рӯи намудҳои гӯштингирӣ, ҷавгонбозӣ, вазнбардорӣ, варзиши сабук ва муштзанӣ иштирок намуданд,

Дар доираи фестивали варзишӣ аз рӯи гӯштини миллӣ мусобиқаи гӯштингирӣ бо иштироки беш аз 80 нафар наврасону ҷавонон аз мактабҳои варзишии маркази вилоят баргузор шуд, ки дар интиҳо  дар ҳамаи вазнҳо ғолибон муайяну қадрдонӣ шуданд. Ҳамчунин дар доираи даври шаҳрии фестивал баргузории мусобиқаҳо аз рӯи намудҳои дигари варзиши миллӣ дар назар аст.