Бартарафкунии оқибатҳои офати табиӣ дар ноҳияи Ашт
ДУШАНБЕ, 21.04.2017. /АМИТ «Ховар»/. Дар ҷамоатҳои шаҳраку деҳоти ноҳияи Ашт барқароркунии оқибатҳои офати табиии рӯзҳои охир бо дастгирии Мақомоти иҷроияи ҳокимияти давлатии вилояти Суғд ва Мақомоти иҷроияи ҳокимияти давлатии ноҳияи Ашт идома дорад.
Аз ситоди ҳолатҳои фавқулодаи ноҳия хабар доданд, ки дар ҷамоати деҳоти Понғоз 350 метр, ҷамоати шаҳраки Шайдон 38 метр ва дар ҷамоати Ифтихор 700 метр селроҳаҳо безарар гардонида шуданд. Ҳамзамон дар ҷамоати Понғоз зиёда аз 1500 метр селроҳа аз қуму шағал тоза карда шуда, 9 кӯпруки маҳаллӣ бо қувваи сокинони ҷамоат барқарор гардид. Дар ҷамоати шаҳраки Шайдон 100 метр ва дар ҷамоати деҳоти Пунук низ зиёда аз 500 метр селроҳа аз қуму шағал тоза карда шуд.
Хотиррасон менамоем, ки бар асари боришоти рӯзҳои охир сатҳи оби сойҳои ҳудуди ноҳияи Ашт баланд гардида, қисман роҳ ва кӯпрукҳои маҳаллии ҷамоати деҳоти Пунук ва Понғозро вайрон намуда буд.
Мустаҳкам намудани селроҳаҳо дар ҷамоати деҳоти Понғоз, Ашт, Пунук, Ифтихор ва Шайдон идома дорад.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
