Бюрои ёрии ройгони ҳуқуқӣ дар Хоруғ ба фаъолият оғоз кард
ДУШАНБЕ, 20.04.2017. /АМИТ «Ховар»/. Дар маркази Вилояти Мухтори Кўҳистони Бадахшон- шаҳри Хоруғ Бюрои ёрии ҳуқуқии ройгон ба фаъолият шурӯъ намуд. Тавре ки аз Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон хабар доданд, бюро дар доираи амалӣ гардонидани Қарори Ҳукумати Ҷумҳурии Тоҷикистон «Дар бораи Консепсияи расонидани ёрии ҳуқуқии ройгон дар Ҷумҳурии Тоҷикистон» дар назди Раёсати адлияи вилоят ташкил карда шуд.
Зиёратшоҳ Ғайратшоҳзода, сардори Раёсати адлияи вилоят иброз дошт, ки хусусияти ёрии ҳуқуқии ройгон дар он аст, ки вай барои тамоми табақаҳои аҳолӣ дастрас мебошад.
Дар айни замон чунин бюрои ҳуқуқӣ дар шаҳри Хоруғ ташкил шуда, он бо мурури замон дар ноҳияҳо низ ташкил карда мешавад. Дар ҳафтаи аввали кор беш аз 50 нафар шаҳрвандон аз хизматрасонии кормандони ин муассиса истифода бурданд, ки 14 нафарашон муҳоҷирони меҳнатии ба Ватан баргашта мебошанд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
