Дар Хуҷанд намоиши китобҳои кӯдакона дар доираи «Ҳафтаи китоби кӯдакону наврасон» доир шуд
ХУҶАНД, 05.04.2017. /АМИТ «Ховар»/. Дирӯз дар доираи Фестивали ҷумҳуриявии Ҳафтаи китоби кӯдакон ва наврасон таҳти унвони «Беҳтарин ёри вафодор» дар Китобхонаи вилоятии бачагонаи ба номи Аминҷон Шукӯҳии шаҳри Хуҷанд намоиши китобӣ ва маҳфили адабӣ бахшида ба 90-солагии шоир, нависанда ва драматург Аъзам Сидқӣ доир гардид.
Тавре ба АМИТ «Ховар» аз раёсати фарҳанги вилоятӣ иттилоъ доданд, дар намоиши мазкур адибону олимон, дӯстдорони китобу толибилмони мактабҳои шаҳр ширкат намуда, дар бораи аҳамияти китобу китобхонӣ ва инчунин эҷодиёти адиби шинохта Аъзам Сидқӣ изҳори назар карданд. Аз ҷумла, зикр шуд, ки баргузории чунин намоишҳо баҳри баланд бардоштани қадру манзалати китоб дар ҷомеа, ҷалби насли наврас ба мутолиаи китоб, арҷгузорӣ ба мероси ниёгон ва шиносоӣ бо китобҳои тозанашри адибони муосир заминаи воқеӣ мегузорад.
Дар қисми адабии барнома аз ҷониби хонандагон, аъзои маҳфили китобдорон намоиши саҳнача, қироати шеърҳо дар васфи китобу китобдорӣ ва бузургии он, Ватан ва Модар пешкаш карда шуд.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
