Дар Конибодом барои 660 нафар хонанда мактаби замонавӣ сохта мешавад
ДУШАНБЕ, 21.04.2017 /АМИТ «Ховар»/. Бо дастгирии Ҳукумати Ҷумҳурии Тоҷикистон дар шаҳри Конибодом сохтмони мактаби замонавӣ барои 660 хонанда дар як баст идома дорад.
Аз хадамоти матбуоти Раиси вилояти Суғд хабар доданд, ки бинои нави мактаб дар деҳаи Ҷаҳонзеби ҷамоати Лоҳутии шаҳр ҷойгир буда, он тибқи лоиҳа аз 3 ошёна иборат аст. Мактаби нав дорои 26 синфхона, утоқҳои фанниву ҳунаромӯзӣ, ошхона бо 84 ҷои нишаст, толори варзишӣ, маҷлисгоҳ бо 220 ҷой ва дигар иншооти ёрирасон мебошад.
Бинои асосии мактаби таҳсилоти умумии № 29 барои 580 хонанда солҳои 80-уми асри гузашта бунёд гардида, айни замон дар он беш аз 1100 хонанда ба таҳсил фаро гирифта шудаанд. Бо назардошти зиёд гардидани сафи хонандагон ва ҳолатии садамавии бинои мактаб бо маблағгузории Мақомоти иҷроияи ҳокимияти давлатии вилояти Суғд дар ҳаҷми 12 миллион сомонӣ беҳтарин мактаби замонавӣ қомат хоҳад афрохт.
Айни замон корҳои сохтмонӣ идома дошта, 60 нафар бинокорон ба кор ҷалб гардидаанд. Дар назар аст, ки сохтмони бинои нави мактаб то моҳи сентябри соли равон ба анҷом расонида шавад.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
