Дар Мактаби президентии шаҳри Ҳисор даври ҷамъбастии олимпиадаи даставии хонандагон баргузор мегардад

ДУШАНБЕ, 21.03.2017 /АМИТ «Ховар»/. Рӯзҳои 22-23 апрели соли равон дар Мактаби президентии шаҳри Ҳисор даври ҷамъбастии олимпиадаи даставии хонандагони муассисаҳои таҳсилоти умумӣ доир мегардад.
Тавре аз Вазорати маориф ва илми Ҷумҳурии Тоҷикистон иттилоъ доданд, дар даври ҷамъбастии олимпиадаи мазкур 530 нафар хонанда иштирок намуда, аз фанҳои ҷамъиятӣ-гуманитарӣ ва табиию риёзӣ донишу маҳорати худро месанҷанд.
Ба ғолибони олимпиада ифтихорнома ва туҳфаҳои хотиравии Вазорати маориф ва илми Ҷумҳурии Тоҷикистон супорида мешаванд.