Дар ноҳияи Роштқалъа «Боғи ҷавонон» бунёд гардид
ДУШАНБЕ, 26.04. 2017 /АМИТ «Ховар»/. Бахшида ба Соли ҷавонон дар мавзеи Дашти ноҳияи Роштқалъа «Боғи ҷавонон» бунёд гардид. Дар ин бора аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон иттилоъ доданд. Тибқи иттилои манбаъ, боғ дар майдони 1,5 гектар бунёд гардида, дар он беш аз 2 ҳазор бех дарахтони мевадиҳанда шинонда шуд.
«Боғи ҷавонон» бо ташаббуси Бахши ҷавонон варзиш ва сайёҳӣ дар ҳамкорӣ бо Мақомоти иҷроияи ҳокимияти давлатии ноҳияи Роштқалъа бунёд ёфта, дар маъракаи ниҳолшинонӣ зиёда аз 500 нафар ҷавонон иштирок намуданд.
Боғи мазкур дар мавзеи хушбоду ҳавои ҷамоати Мирсаид Миршакар ҷойгир буда, дар он ғайр аз дарахтони себ, зардолу, гелос, олу, нок, чормағз, ҳамчунин дарахтони сояафкану ороишӣ низ шинонида шудаанд. Масоҳати боғ дар оянда васеъ гардида, дар он ниҳолҳои дарахтони ба содирот нигаронидашуда парвариш меёбанд. Маблағи даромади боғ барои беҳдошти сатҳи иқтисодию иҷтимоии мардуми ноҳия равона мегардад.








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






