Имрӯз дар ҷумҳурӣ ҳаво софу беғубор мешавад

ДУШАНБЕ, 19.04.2017 /АМИТ «Ховар»/. Дар ҷумҳурӣ имрӯз, 19 апрел ҳавои тағйирёбандаи бебориш дар назар аст.
Тавре ки ба АМИТ «Ховар» аз Агентии обуҳавошиносии Тоҷикистон хабар доданд, аз ҷумда дар вилояти Суғд ҳавои тағйирёбанда дар назар дошта шуда, шабона борони кӯтоҳмуддат меборад. Ҳаво шабона +11+16 ва рӯзона +22+27 дараҷа гарм хоҳад шуд.
Дар вилояти Хатлон обуҳавошиносон ҳавои тағйирёбандаи бебориш пешгӯӣ менамоянд. Ҳарорати ҳаво шабона +14+19, рӯзона ба +28+33 дараҷа мерасад.
Дар Вилояти Мухтори Кӯҳистони Бадахшон низ ҳавои тағйирёбанда дар назар дошта шуда, шабона эҳтимоли боридани борони кӯтоҳмуддат пешгӯӣ мешавад. Ҳаво дар ғарби вилоят шабона +6+11, рӯзона +16+21 дараҷа, дар шарқ шабона 0-5, рӯзона +8+13 гарм мешавад.
Дар ноҳияҳои тобеи марказ, аз ҷумла дар шаҳри Душанбе ҳаво софу беғубор боқӣ хоҳад монд. Ҳаво шабона +11+16, рӯзона +25+30 дараҷа гарм хоҳад шуд.