Кишти пахта дар хоҷагиҳои вилояти Суғд вусъат меёбад
ХУҶАНД, 18.04.2017 /АМИТ «Ховар»/. Дар хоҷагиҳои кишоварзии вилояти Суғд корҳои кишти пахта рӯз аз рӯз вусъат меёбад. Тавре ба АМИТ «Ховар» аз Идораи кишоварзии вилоят иттилоъ доданд, ҳоло кишти пахта дар ҳафт ноҳияи пахтакори вилоят, чун Ашт, Б.Ғафуров, Ҷ.Расулов, Конибодом, Мастчоҳ, Спитамен ва Зафаробод идома дошта, дар майдонҳои кишти пахта асосан тухмиҳои навъи воридотӣ бартарӣ доранд.
То 17 апрел дар вилоят кишти пахта дар майдони 23,442 га гузаронида шудааст, ки ин нишондод ба 43,4 фоизи нақша баробар аст. Аз ҷумла, то 16 апрели соли равон кишти пунбадона дар майдонҳои кишоварзии ноҳияҳои Зафаробод дар майдони 1150га, Мастчоҳ- 941га, Спитамен — 683га, Б.Ғафуров –618га, Ҷ.Расулов 520га, Ашт — 413га, Конибодом –283 га гузаронида шуда, деҳқонон бо истифода аз техникаи мавчуда азм доранд, ки ин маъракаи муҳимро тезтар ба итмом расонанд.
Тибқи нақшаи дурнамо, имсол пахтакорони вилоят азм доранд дар майдони 54 ҳазор гектар кишти пахта гузаронида, дар маҷмӯъ зиёда аз 100 ҳазор тонна пунбадона ҷамъоварӣ намоянд.
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
