Мавсими имсолаи обхезӣ ба манзил ва майдони кишти сокинони шаҳраки Ваҳдати ноҳияи Ванҷ осеб намерасонад
ХОРУҒ, 29.04.2017. /АМИТ «Ховар»/. Оби дарёи Ванҷоб аз пиряхи бузургтарини Осиёи Марказӣ, мавсум ба Федченко маншаъ мегирад ва дар мавсими обхезӣ ҳамасола сокинони назди соҳили ин рӯдхона маҷбур мешаванд, ки муваққатан хонаҳояшонро тарк кунанд. Бо назардошти ин вазъият дар асоси қарори Ҳукумати Ҷумҳурии Тоҷикистон «Дар бораи барномаи соҳилмустаҳкамкунӣ дар солҳои 2016-2020» таҳкими соҳили ин дарё низ ба нақша ворид гардид ва дар давоми як соли охир зиёда аз ним километр мавзеъҳои хатарнок комилан бехатар гардонида шуданд. Корҳои соҳилмустҳкамкунӣ бо маблағгузории «Муассисаи давлатии Маркази татбиқи лоиҳаи устувории ҳавзаи дарёи Панҷ ва тағйирёбии иқлим» сурат гирифта, ҳоло коргарони ҶДММ «Ҷовид» ба таҳкими соҳили дарё дар шаҳраки навбунёди Ваҳдат машғул мебошанд.
Як тан аз масъулини ҷамъияти мазкур Воҳид Искандаров гуфт, ки «дар ин мавзеъ аз соҳили чап роҳи мошингарди Хоруғ- Ванҷ ва аз соҳили рост шаҳраки Ваҳдат ҷойгир аст. Имсол барфи зиёд борид ва дар мавсими обхезӣ эҳтимоли шуста бурдани роҳи мошингард ва зери об мондани шаҳрак вуҷуд дорад. Бинобар ин зарур аст, ки ҳарду тарафи соҳилро бо харсанг ва симтӯр мустаҳкам намоем ва роҳу шаҳракро аз харобшавӣ наҷот диҳем».
Ҳоло корҳо мутобиқи нақша идома ёфта, то баланд шудани оби дарё ҳарду тарафи соҳили дарё ба таври комил мустаҳкам карда мешаванд.
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
