Моҳипарварони вилояти Суғд аз оғози сол беш аз 17 тонна моҳӣ сайд кардаанд

ХУҶАНД, 18.04.2017. /АМИТ «Ховар»/. Дар семоҳаи аввали соли равон дар вилояти Суғд дар хоҷагиҳои моҳипарварии вилоят сайди моҳӣ 17,5 тоннаро ташкил намуд. Тавре аз Идораи моҳипарварии вилоят иттилоъ доданд, ҳаҷми маҳсулоти моҳипарварӣ дар ин давра 349 ҳазор сомониро ташкил кард, ки он нисбат ба ҳамин давраи соли 2016 се баробар зиёд аст.

Дар ҳаҷми умумии истеҳсоли моҳӣ намуди моҳии пешонағафси сафед 10,4 фоиз, зағорамоҳӣ 2,9 фоиз, суфмоҳӣ 13,0 фоиз ва дигар намуди моҳиҳо 73,6 фоизро ташкил намуданд.